Longue lalangue rouze couleir dif&#

Une fable de Jean de la Fontaine en…Créole mauricien ! Savoureux 😉

« Un pé avant soleil tombé, ène zène pitit mouton ti apé boire ène bon dileau bien frais tout sel dans bord la rivière.
Faudrait li gagne ène grand la soif pour li faire ça !
Sire li ti doite tende brébis appelle li : bé ! bé ! bé !
La cause ça même, ça bon pitit là ti après boire plis vite qui li capave.
Lheir li ti pres pour fini, li tende ène gros la voix ène dimoune en colère.
Li lève la tête.
Qui li trouvé ?
Ene espèce qualité gros licien qui apé guette li avec mauvais vilains liziés.
So la guèle grand ouvert garnie avec gros gros lédents pointes comant lédents réquin, are ène longue lalangue rouze couleir difé, sourti déhors comant lalangue licien qui gagne soif.
Pôve pitit mouton !
Na pas licien ça ! mais ène louloup ! Encore ène louloup vente plate, qui sans manzé dipis hier bomatin.
Ena dchance pour qui zamais to mamman pour trouve toi encore, mo noir !
Louloup dire li en colère :
« Ça qui appelle to ène pitit fronté pour vine Sali dileau mo après boire. To pour gagne to pinition, pitit vacabond ! »
Pitit mouton là fine saisi. Mais ça ti ène pitit zanimau boucoup lesprit, qui ti énan lécoeir aussi. Li guette louloup avec so bon pitit figuire, li réponde li avec so pitit la voix douce, un pé tremblé, pas vrai ?
« Grand misié, esquise moi dire ou ça : Mo na pas capave sali vous dileau. Vou are moi apé boire ène bon distance. Moi, en bas ; vous, là haut. Dileau descende, zamais li rémonté !
Mais guette ça vilain pitit fanor, qui oulé faire so linstinct are moi !
(Louloup fine plis en colère).
Alors, ène grand dimoun na pas conné ça qui li causé ? quand mo dire : to salis mo dileau, to salis li, pitit félone ! Alors éna encore ène lautre charge lors toit : Mo conné qui to fine cause ène mauvaise causé pour moi, lannée passée.
─ Mo dimande ou pardon, mo maîte. Cène qui fine dire ou ça, li fine cause menti. Lautre banané, mo pas ti encore né. Mo encore boire dilait mo manman !
─ Si na pas toi, alorse to frère.
─ Mo pas énan frère. Mo même sel pitit manman éna.
─ Alors to papa, to manman ou bien gense dans to famille. Mo bien conné qui gardiens moutons, liciens are to camrades, zot tout passe létemps acuise moi ène banne méçancetés. Mo bisoin tire mo révenze. Tant pis pour toi : toi paye pour zot. Si to pas conne la loi, acouté : Innoncent paye pour lé coupable. »
Li na pas laisse mouton réponde. Li saute lors li, tranglé li, souque li par so la peau licou, manière chatte faire avec so pitit.
Li charié li dans so la case dans ène grand bois. Ça zour à soir là, louloup là ti bien plein so vente.